Weeklikse Afrikaanse Landbou Nuusoorsig - 20 Julie 2022

Weeklikse Afrikaanse Landbou Nuusoorsig - Die Afrikaanse Nuus is die afgelope paar dae op AGRI NEWS NET geplaas, saam met nog ander artikels. 

Die hittegolf wat Europa getref het, is – ondanks ’n gespot van mense wat van warmer lande kom – geen grap nie. ’n Hitte-apokalips wag op die weste van Frankryk, waarsku wetenskaplikes, en wegholbrande het al duisende mense daar laat vlug. Ook in Spanje, Portugal en Griekeland veg brandbestryders ’n hopelose stryd teen die brande. In Brittanje smelt die teer op lughawens se aanloopbane en treindienste is ontwrig of opgeskort. Skole is toegemaak en daar is kommer oor veral bejaardes. Die ekstreme waarskuwing dui daarop dat lewens bedreig word. 

Die Europese Unie dreig met verdere sanksies teen Rusland. Die president van die Europese Kommissie, Ursula von der Leyen het die media in Brussel toegespreek oor die stand van die sake met betrekking tot die EU se afhanklikheid aan Russiese energie. Sy sê ‘n sewende sanksie-pakket word moontlik binnekort teen Rusland ingestel. Dit volg te midde van die voortslepende Russiese oorlog in Oekraïne en die bedreiging dat Russiese gastoevoer geheel afgesny kan word. Von der Leyen sê dit sal ‘n groot impak op die hele Europa hê. Gevolglik het die kommissie voorgestel dat alle EU-lidlande gasvebruik van Augustus af met 15 persent verminder.

Inflasie het in Junie tot 7,4% opgeskiet – van 6,5% in Mei, het Statistieke Suid-Afrika (SSA) pas bekend gemaak. Die inflasie wat arm huishoudings beleef, is iets allerverskrikliks op 9,1% en 8,5% vir die twee armste inkomstegroepe. Dis omdat dié mense ’n groter persentasie van hul inkomste aan kos en vervoer moet bestee – twee faktore wat saam meer as die helfte, 4,2 persentasiepunte, tot die 7,4% bydra. Kosprysinflasie het van 7,6% tot 8,6% opgeskiet en dra 1,5 persentasiepunte tot die 7,4% by. Die derde grootste bydrae tot die inflasiekoers is behuising en nutsdienste, wat saam 5,1% duurder is en 1,2 persentasiepunte bydra. Kerninflasie, wat kos- en brandstofpryse en kragtariewe uitsluit, het van 4,1% in Mei tot 4,4% gestyg. Die syfers kom die dag voordat die Reserwebank sy besluit oor die rentekoers aankondig. Daar word alom verwag dat die koers met 50 basispunte verhoog gaan word, maar sommige ekonomie verwag dat dit met 75 basispunte verhoog gaan word.

Hoekom moet daar verhoogde rente gehef word op bestaande lenings ? Hoekom nie net op nuwe lenings nie- ? Mense wat skuld aangaan en dit reg bestuur neem goeie finansieele besluite op 'n sekere tyd- en weet dat hulle die skuld kan terugbetaal. - met hierdie rentekoers is die regering besig om mense se skuld te verdubbel en daarmee mense uit besigheid te haal en meer mense op straat te sit. Die Banke is in die proses om die ekonomie in 'n ernstige wêreldwye resessie te druk deur hul rentekoerse verder te verhoog. Die sentrale banke glo dat rentekoerse 'n baie sterker markkrag in die ekonomie is as die markkragte van vraag en aanbod wat nooit korrek of waar kan wees nie!

Volgens die Sentrale Energiefonds se syfers op 15 Julie was daar ’n oorverhaling op petrol van tussen R1,16/liter en R1,23/liter, asook gemiddeld 98c/liter op diesel. As die staat se 75c/liter-verligting op die brandstofheffing op 2 Augustus verval, kan die daling in pryse minder wees. Dis 'n blaaskans by die pompe realiseer, of brandstofpryse selfs net dieselfde bly, sal dit goeie nuus vir die landbousektor en ekonomie as geheel wees, veral wat voedselpryse en inflasie betref.

Wie gaan sy pryse verlaag wat verhoog was agv die verhoogde Brandstof prys ?

Ons Junior Landbouskrywers kompetiese sal eerdaags in aanvang neem. Ons gaan groot die jaar - Ons maak binnekort die nuus bekend. Hou gerus ons mediums dop . Ons begin ook eersdaags met 'n ander nuwe kompetisie. 

Maak jou reg vir 'n nuwe opwindende kompetiese op AGRI NEWS NET- WENAKKER STORIES - Kry solank jou storie reg, jy gaan eersdaags die geleentheid kry om die storie vir ons te vertel en daarmee saam deel te word van al ons WENAKKER storie vertellers.

Nuusredakteur

Luister gerus na ons gewilde POTGOOI- daagliks op www.farmingportal.co.za

‘n Namibiese landboukenner het sy reaksie gegee oor die impak van bek-en-klouseer in Suid-Afrika op Namibië. Daar is ‘n herlewing van bek-en-klouseer in verskeie provinsies soos Noordwes, Vrystaat, Limpopo, Gauteng en KwaZulu-Natal.

Belanghebbendes het 30 dae om kommentaar te lewer op die staat se wildsvleisstrategie. Hierdie strategie en toepassingsplan vir 'n formele wildsvleisstrategie is gister (18 Julie 2022) deur Barbara Creecy, minister van bosbou, visserye en omgewingsake, in die Staatskoerant (47024, kennisgewing no. 2293) gepubliseer.

Temperature in Brittanje sal na verwagting vandag vir die eerste keer tot 40 grade celsius styg, nadat die warmste nag op rekord aangeteken is. Owerhede het vroeër ‘n nasionale ramptoestand afgekondig weens die huidige hittegolftoestande. Die hoogste temperatuur wat nog aangeteken is, is 38-komma-sewe in 2019, hoewel temperature gister op plekke tot 38-komma-een gestyg het.

Die Suid-Afrikaanse olie raffinaderye het een na die ander hulle deure gesluit en tans is daar enkele entiteite wat in bedryf is terwyl die meeste voorraad vir die land ingevoer moet word.Sasol SA, wat die grootste brandstof produsent is, sê hy het self ook gesukkel weens die vertragings in aflewering van die rou materiaal vir Natref raffinadery wat deur Total en Energies beheer word.

Ondanks verskeie uitdagings in die pluimvee-en lewendehawebedryf was voerverkope van April verlede jaar tot Maart vanjaar op 'n jaargrondslag 2,2% hoër.Volgens De Wet Boshoff, uitvoerende direkteur van die vereniging van veevoervervaardigers (Afma) is altesame 6,9 miljoen ton veevoer in die jongste tydperk verkoop.

Silo-ongelukke gebeur selde in Suid-Afrika, en indien dit plaasvind, is dit moontlik ‘n fratsongeluk. Dit is volgens Dries van der Linde, die Operasionele Bestuurder van Graan by OVK, in reaksie op die onlangse voorval waar ‘n vrou en kind in ‘n mielie-silo op ‘n plaas in Mpumalanga geval het

Twitter