Die familieboerorganisasie Saai sal die Noord-Gautengse Hooggeregshof in Pretoria op 18 Augustus 2020 dringend nader om die verbod op die verkoop en verbruik van wyn in restaurante ter syde te stel
. Dié aansoek kom nadat President Cyril Ramaphosa op 12 Julie 2020 wéér ’n algehele verbod op die verkoop en vervoer van drank aangekondig het.
“Die instelling van dié regulasies is arbitrêr en irrasioneel. Die regering se stelling dat die regulasies ingestel is om die verspreiding van die COVID-19-virus te beperk en om te voorkom dat die land se gesondheidstelsel oorbelas word, dra nie water nie. Die regering gee voor dat hulle die ekonomie te wil red, maar pas dubbele standaarde toe wanneer dit kom by die toepassing daarvan. Taxi’s is byvoorbeeld ’n groot risiko vir die verspreiding van die virus, maar hulle mag tans teen 100%-kapasiteit funksioneer. Restaurante mag oop wees, maar word verbied om wyn te bedien in ’n gereguleerde, higiëniese omgewing met fisieke afstand,” sê Francois Rossouw, uitvoerende hoof van Saai.
Saai meen dat hierdie regulasies die bestaan van die oudste familieplase in Suid-Afrika bedreig en ’n sektor kniehalter wat met die bestes in die wêreld kompeteer en ʼn kernrol in die land se ekonomie speel. Die regering bied reeds geen droogtehulp of finansiële bystand vir hierdie boere nie – deur hul mark te sluit, verseker die regering hul einde.
“Anders as alkoholprodusente, is ’n wynboerdery nie net geskoei op ’n strewe na toenemende winsbejag nie. Dit gaan ook oor ’n nalatenskap; die oordrag van kennis van geslag tot geslag; die integriteit van ’n handelsmerk; die naam op die etiket; en die onderhoud van ’n gesin en ’n gemeenskap. ’n Wynboerdery is ook nie net ’n wingerd met ’n kelder langsaan nie. Dit is ’n bestemming waar besoekers en toeriste iets tasbaar van die omgewing kan ervaar. Dus speel so ʼn landgoed ’n wesenlike rol in die bemarking van ’n streek of provinsie en sy geskiedenis, en is hy afhanklik van ondersteuning nie net in terme van sy produk nie, maar ook as toeriste-aantreklikheid,” sê dr. Theo De Jager, direksievoorsitter van Saai.
Saai sal versoek dat artikel 44(1) en (2) van die nuwe regulasies opgehef word en dat wyn op wynplase en in restaurante bedien mag word. Saai se aansoek word deur 13 ander applikante uit die wynbedryf ondersteun.
Wine consumption and sales: Saai soon in court
The family farming organisation Saai will urgently approach the Northern Gauteng High Court in Pretoria on 18 August 2020 to have the ban on the sale and consumption of wine in restaurants set aside. The application comes after President Cyril Ramaphosa once again announced a complete ban on the sale and transportation of liquor on 12 July 2020.
“The implementation of these regulations is arbitrary and irrational. The government’s statement that the regulations are implemented to limit the spread of the COVID-19 virus and to prevent an overburdened healthcare system simply does not hold water. Government pretends to want to save the economy, but apply double standards when it comes to the application thereof. Taxis pose a major threat in spreading the virus, yet they are allowed to function at 100% capacity. Restaurants may be open, but are banned from serving wine in a regulated, hygienic environment where physical distancing is applied,” says Francois Rossouw, CEO of Saai.
Saai argues that these regulations are threatening the existence of some of the oldest family farms in South Africa and are shackling a sector that competes with the best in the world and that plays a key role in the economy. The government already offers no drought relief or financial assistance to these farmers – by closing their market, government ensures their end.
“Contrary to what alcohol producers do, wine farming is not built on continuous profit-seeking. It is about an inheritance; the transfer of knowledge from generation to generation; the integrity of the brand; the name on the label; and supporting a family and community. A wine farm is neither a vineyard with a cellar nest to it. It is a destination where visitors and tourists may experience something tangible of the environment and area. Such a farm therefore plays a fundamental role in the marketing of a region or province and its history. It depends not only on the support in terms of its product, but also as a tourist attraction,” says Dr Theo De Jager, Chairperson of the Board of Directors of Saai.
Saai will request the Court to repeal Schedule 44(1) and (2) of the new regulations and to allow the serving of wine on wine farms and in restaurants. Saai’s application is supported by 13 other applicants from the wine industry.
